بخصوص الفاك ابلود وبرامجه
التورنت :
يعتمد بصفه اساسيه على المشاركه بمعنى زى ما تاخد لازم تدى ومش من حقك انك تاخد من غير ماتدى (بمعنى اخر لازم تسيب التورنتات اللى خلصت تحميل فى برنامج التورنت علشان تعمل ابلود حتى لو الابلود بتاعك ضعيف او لو انت مقلله علشان ميأثرش على الدونلود والتصفح يعنى مش بمجرد التورنتايه ماتخلص تقوم باعتها على سله الزباله ) ولو عايز تعمل كده عندك المواقع العامه او الروابط المباشره.
سرعه الانترنت :
احد اهم الاسباب القويه (ان لم تكن السبب الوحيد او الرئيسى ) التى تدفعنا الى عدم عمل ابلود كافى وبصفه مستمره يعنى مثلا واحد سرعته 512 دونلود يعنى الفعلى المفروض 64 كيلو وده مبيحصلش وابلود 128 يعنى الفعلى 16 كيلو وده كمان مبيحصلش يعنى علشان يعمل ابلود للملف اللى نزله يبقى ان شاء الله هيقعد شهر يرفع فيه.
برامج الفاك ابلود :
(على فكرهى المفروض لو هتتكتب بالعربى تتكتب فيك مش فاك لكن انا دايما بكتبها فاك علشان لاتنطق او تفهم خطأ) الهدف الاساسى من صناعه هذه البرامج هو مساعده كل الناس اللى سرعاتها بطيئه انها تحاقظ على اكونتاتها من القفل وده الهدف اللى علشانه البرامج دى اتعملت بمعنى سرعتك بطيئه ومش هتقدر ترفع اللى نزلته كله يبقى هتكون مضطر انك تستخدم احد هذه البرامج وطبعا فى استخدامات تانيه للبرامج دى لكن لمين ؟ اى واحد بيستخدم البرامج دى لاى غرض غير المحافظه على الاكونت يبقى مريض (والامراض كتير فى مرض هواه التجميع عايز يلحق يعمل بفر علشان يبدل علشان يكمل اللسته اللى معاه اللى هى اصلا كبيره وهو مش عارف عدد المواقع اللى معاه كام اصلا وفى مرض تانى المباهاه عايز اقول محدش رفع قدى وهكذا الامراض كتير ومتعدش).وعايز اضربلكم مثال تانى علشان اللى هيقول كانى ومانى ومش عارف ايه : مين مخترع الديناميت؟السبب الاساسى لاختراعه ايه؟بيستخدم فى ايه دلوقتى؟هل الاستخدام الحالى له هو الغرض الاساسى لصناعته ؟ هل معنى كده اننا نبطل نصنعه علشان الاستخدام الخطأ الحالى له؟هل نقدر نلوم اللى اخترعه؟ او اللى بيصنعه دلوقتى لاغراض انسانيه؟
السيدبوكس :
وسيله جميله جدا انك تعمل بفر كبير لكن مكلفه (وانا واحد من الناس اللى مش هتدفع اكتر من ثمن خط النت مع احترامى للجميع) .
الانانيه :
كل واحد عايز يستفيد لنفسه بس ومش عايز غيره يستفاد بمعنى واحد يعرف معلومه عايز يزودها ويكبرها وفى نفس الوقت مش عايز يفيد غيره اللى ممكن اصلا يكون هو اللى افاده بمعنى تانى المفروض محدش يعرف البرامج دى غيرى علشان انا بس اللى اعمل بفر كبير وابدل ومحدش ينافسنى فى العروض بتاعتى بتاع التبادل .
الخوف :
اعضاء كتير بتخاف انها تعمل مواضيع او مشاركات بخصوص هذه البرامج وده طبعا له سبب قوى فى وجهه نظرهم ان محدش يعرف انه بيعمل فاك ابلود علشان لما يروح يبدل فى اعضاء كتير مبترضاش تبادل معاه.
المصالح الشخصيه :
ودى بقى معناها كبير قوى لكن هتكلم على اللى يخصنا , ممكن تلاقى واحد بيشتغل بالبرامج دى وربنا فتحها عليه وبقى عنده سيد بوكس فى اتنين فى تلاته الى ما شاء الله بدون قر ولا حسد وربنا يزيده لكن تلاقيه بقى ايه خلاص مش عايز حد يشتغل بالبرامج دى تانى قال ايه حرام طب لو انت معندكش سيدبوكس كنت هتقول حرام؟طب كنت هتبطل تشتغل بالبرامج دى؟طب انت سرعه النت عندك عاليه سيب غيرك يستفاد . وده كان مثال بسيط جدا على حاجات كتير كنت عايز اقولها بخصوص المصالح الشخصيه بالذات لكن كفايه كده اعتقد ان المثال ده يشمل حاجات كتيروجمع كل اللى كنت عايز اقوله وده اللى عايز اوصله ليكم كلكم.
واخيرا
حتى اشعار اخر
انتظرونا قريبا بعون الله
